Кормандони филиали №42 минтақаи Бохтари КВД БА ҶТ «Амонатбонк » соҳиби бинои хуштарҳу замонавӣ шуданд.

Дар рӯзи гиромидошт аз Истиқлоли давлатӣ дар маркази вилояти Хатлон шаҳри Бохтар  бинои филиали рақами 42- юми КВД БА ҶТ “Амонатбонк” дар минтақаи Бохтар мавриди баҳрабардорӣ қарор гирифт. Бинои тозатаҷдиди  филиал дар доираи анҷоми тадбирҳои созандагӣ ба истиқболи 35 -солагии Истиқлолияти давлатии Ҷумҳурии Тоҷикистон мавриди баҳрабардорӣ қарор дода шуд. Акнун дар бинои навбунёди филиали рақами 42 -юми КВД БА ҶТ " Амонатбонк" дар минтақаи Бохтар хеле замонавӣ навсозӣ шуда, барои қариб 60- нафар кормандон, аксарашонро бонувон ташкил медиҳад, шароити муосири кору фаъолият муҳайё карда шуд

Бинои филиали Амонатбонк дар минтақаи Бохтари вилояти Хатлон аз 3 -ошёна, наздик ба 40- ҳуҷраи корӣ, толори маҷлисгузаронӣ ,ошхона, анборҳо ва дигар иншооти ёрирасон иборат мебошад. Тамоми ҳуҷраҳои корӣ бо лавозимоту васоили замонавии технологияи информатсионӣ муҷаҳҳаз гардонида шудааст. Филиали рақами 42- юми Амонатбонк бо 14- шаҳру ноҳияи гурӯҳи шаҳру ноҳияҳои Бохтар корҳои идоравӣ анҷом дода, бевосита бо дуруст ба роҳ мондани хизматрасонии молиявӣ ба сокинон хизмат хоҳанд кард.